Бяляцкаму ў Вашынгтоне ўручаны медаль фонду NED за служэнне дэмакратыі Медалём Нацыянальнага фонду ў падтрымку дэмакратыі за шматгадовую працу дзеля свабоды, правоў чалавека і дэмакратыі ў Беларусі ўзнагароджаны 10 верасня ў Вашынгтоне старшыня ПЦ “Вясна“, лаўрэат Нобелеўскай прэміі міру, былы палітвязень Алесь Бяляцкі. “Яшчэ дзевяць месяцаў таму я сядзеў у турме ў жорсткіх умовах і не мог сабе ўявіць, што калі-небудзь выйду на волю. Ніводнай хвіліны пасля вызвалення я не забываю, што ў лукашэнкаўскіх турмах знаходзяцца яшчэ больш за 900 зняволеных“, — сказаў Бяляцкі, атрымліваючы ўзнагароду. Праваабаронца адзначыў, што два гады таму NED адзначыў гэтым медалём дэмакратычнага лідара Святлану Ціханоўскую: “А цяпер тут я — гэта прызнанне свабодалюбнага памкнення беларускага народа, які хоча жыць у незалежнай і дэмакратычнай краіне“. ✅ Падрабязнасці 🗝 Без VPN 📷 тэлеграм-канал праваабарончага цэнтра "Вясна"