Кучынскі абмеркаваў з літоўскімі палітыкамі падрыхтоўку да магчымага вызвалення палітвязняў На сустрэчах з дарадцам прэзідэнта па знешняй палітыцы Данатасам Аўгулісам і віцэ-спікерам Сейма Вікторыяй Чміліце-Нільсэн дырэктар літоўскага офіса дэмлідара Дзяніс Кучынскі "падзякаваў Літве за дапамогу з дакументамі і легалізацыяй для ўжо вызваленых", паведамляе прэс-служба Святланы Ціханоўскай. У святле старшынства Літвы ў Савеце Еўрасаюза былі разгледжаны "магчымыя фарматы прысутнасці Беларусі на мерапрыемствах і сустрэчах, а таксама захаванне беларускага пытання ў фокусе ўвагі". ☝️Раней паведамлялася, што, паводле неафіцыйнай інфармацыі, спецпасланнік Дональда Трампа Джон Коўл можа зноў прыехаць у Беларусь 14 верасня. 29 жніўня ў інтэрв'ю "Голасу Амерыкі" ён заяўляў, што праз пару тыдняў паедзе ў Мінск, дзе, мяркуючы па яго словах, плануе вызваліць яшчэ 200–300 палітвязняў. ✅ Падрабязнасці 🗝 Без VPN 📷 На сустрэчы з віцэ-спікерам Сейма Літвы Вікторыяй Чміліце-Нільсэн. Фота: прэс-служба Святланы Ціханоўскай