Палітзняволены, журналіст і медыямэнэджар Андрэй Аляксандраў стаў лаўрэатам прэміі Free Media Awards Спіс тых, хто атрымае ўзнагароду, абвесцілі яе арганізатары — фонды Fritt Ord і Zeit Stiftung Bucerius. Паводле іх, дзякуючы сваёй працы ў незалежным беларускім інфармацыйным агенцтве БелаПАН і Беларускай асацыяцыі журналістаў у мінулыя гады, Андрэй Аляксандраў “дапамог умацаваць прафесійныя стандарты журналістыкі, падтрымаць незалежныя СМІ і пабудаваць міжнародныя сеткі журналістаў і праваабаронцаў”. Разам з Аляксандравым узнагароду атрымаюць кіраўнік аддзела журналісцкіх расследаванняў выдання “Украінская праўда” Міхаіл Ткач, рэдакцыі грузінскагп выдання iFact, ерэванскага тэлеканала Factor TV і расійскага незалежнага анлайн-выдання “Вёрстка”. ✅ Падрабязнасці 🗝 Без VPN 📷 Андрэй Аляксандраў. Архіўнае фота: "Прэс-клуб Беларусь"