☝️“Аналітыка ад Позірку”. Лукашэнка патрабуе паляпшаць фізпадрыхтоўку школьнікаў, але кантэкст гэтай ініцыятывы паказальны: яго перадусім непакоіць якасць “кантынгенту”, які прыйдзе ў войска. У беларускай школе разам з фізічнай падрыхтоўкай усё больш актыўна ідзе мілітарызацыя і ідэалагізацыя. Сілавікі становяцца частымі гасцямі на школьных мерапрыемствах, дзеці ўдзельнічаюць у ваенна-патрыятычных гульнях, дзесяцікласнікаў адпраўляюць на вучэбна-палявыя зборы, а з новага навучальнага года яны будуць вучыцца кіраваць беспілотнікамі. Праблема, аднак, не ў тым, што школьнікаў вучаць пэўным ваенным або медыцынскім навыкам. Пытанне ў тым, якія каштоўнасці стаяць за гэтай падрыхтоўкай. У адрозненне ад многіх заходніх прыкладаў, дзе падобныя праграмы могуць быць добраахвотнымі і арыентаванымі на крытычнае мысленне, у Беларусі школьная адукацыя ўсё больш працуе на фармаванне паслухмянага “кантынгенту”. Як беларуская школа ператвараецца ў інструмент падрыхтоўкі “кантынгенту” для рэжыму і чаму галоўная праблема — не аўтамат, а адсутнасць свабоды выбару і мыслення — у матэрыяле палітычнага аналітыка Аляксандра Класкоўскага для @pozirkonline. 🗝 Без VPN #аналітыка_позірку