Далёкі Усход Расіі зацікаўлены ў беларускім паліве і тэхніцы на газе Беларусь мае намер удзельнічаць у развіцці інфраструктуры Далёкага Усходу Расіі і праектах, звязаных з Паўночным марскім шляхам. Пра гэта заявіў кіраўнік адміністрацыі Лукашэнкі Дзмітрый Круты па выніках сустрэчы з кіраўнікамі шэрагу расійскіх рэгіёнаў у рамках Усходняга эканамічнага форуму ва Уладзівастоку 3 верасня. Паводле Крутога, беларускія кампаніі могуць далучыцца да будаўніцтва партовай інфраструктуры і іншых праектаў у рэгіёне. Ён таксама адзначыў зацікаўленасць расійскіх рэгіёнаў у беларускім паліве і тэхніцы, якая працуе на газе. "Некалькі губернатараў прапанавалі нам паўдзельнічаць у будаўніцтве партовай інфраструктуры. А беларускім кампаніям, беларускім рэзідэнтам прапанавана засталбіць месца на Паўночным марскім шляху. Гэта вельмі цікавая тэма", — сказаў чыноўнік. ✅ Падрабязнасці 🗝 Без VPN 📷 belarus-news.by