У Літве беларусы прызнаныя вінаватымі ў незаконным атрыманні сродкаў ЕС Пра незаконнае атрыманне амаль 0,5 млн еўра сродкаў Еўрапейскага саюза па праекце спадарожнікавай навігацыі двума грамадзянамі Беларусі паведаміла Служба расследавання фінансавых злачынстваў пры МУС Літвы. Вільнюскі акруговы суд прызнаў іх вінаватымі ў махлярстве пры атрыманні сродкаў ЕС і ў падробцы дакументаў. Абвінавачаныя прызналі віну і кампенсавалі шкоду ў памеры звыш 440 тыс. еўра, гаворыцца ў рэлізе. ☝️Паводле даных СРФЗ, фігуранты праз кантраляваную імі літоўскую кампанію ўдзельнічалі ў праекце Агенцтва ЕС па касмічнай праграме. Расследаванне выявіла сувязі абвінавачаных з расійскай і беларускай ваеннай прамысловасцю, якая знаходзіцца пад еўрапейскімі санкцыямі. ✅ Падрабязнасці 🗝 Без VPN 📷 Вільнюс. Фота: pixabay.com