👆"Аналітыка ад Позірку". На саміце ШАС у Бішкеку Лукашэнка папрактыкаваўся ў антыамерыканскай рыторыцы, але вельмі акуратна. Чаму? Бо хутка ў Мінск прыедзе спецпрадстаўнік Трампа Джон Коўл. "У арсенале "моцных гэтага свету" ўжо не толькі тэхналогіі каляровых рэвалюцый і гібрыднага ўздзеяння. У цяперашні час дэманстратыўна вярнулася прамая масіраваная ваенная агрэсія", — заявіў Лукашэнка. Пуцін быў побач, але камяні ляцелі не ў яго агарод. Лукашэнка падакараў лідараў ШАС за недахоп ініцыятывы: "І насельніцтва ў нас вялікае, і рэсурсы ў нас каласальныя, а канкрэтных спраў у нас няшмат". Шматпалярны свет для Лукашэнкі — гэта антызаходні манеўр і спроба збалансаваць залежнасць ад Масквы. Але ШАС — друзлая структура. І амерыканскі трэк яму патрэбны, адзначае палітычны аналітык Аляксандр Класкоўскi ў матэрыяле для @pozirkonline 🗝 Без VPN #аналітыка_позірку