Льготная працэдура атрымання беларусамі грамадзянства Украіны не закране сілавікоў — Ганчарэнка Спрошчаная працэдура атрымання беларусамі грамадзянства Украіны ў выпадку прыняцця прапанаванага законапраекта не закране сілавікоў. Пра гэта ў інтэрв’ю тэлеканалу "Белсат" заявіў народны дэпутат Украіны, член міжфракцыйнай групы Вярхоўнай Рады "За дэмакратычную Беларусь" Аляксей Ганчарэнка. Паводле яго слоў, цяпер не відаць "ніякага асуджэння або актыўных каментароў супраць гэтага законапраекта". "Мне здаецца, украінцы разумеюць, што ёсць розніца паміж беларусамі і Лукашэнкам. Трэба адрозніваць беларусаў, якія маюць дачыненне да антыўкраінскай дзейнасці, — на жаль, такія ёсць, у першую чаргу спецслужбы, Узброеныя сілы і г.д.", — падкрэсліў палітык. Астатніх беларусаў дэпутат параўнаў з "такімі ж закладнікамі, як украінцы на акупаваных [Расіяй] тэрыторыях". ✅ Падрабязнасці 🗝 Без VPN 📷 reddit.com