Амбасада Беларусі ў Фінляндыі будзе закрытая з 1 верасня Адпаведная пастанова ўрада апублікаваная 21 жніўня на Нацыянальным прававым інтэрнет-партале. Дыпламатычныя стасункі паміж краінамі былі ўстаноўлены 26 лютага 1992 года. 1 кастрычніка 2010 года ў Мінску было адкрыта аддзяленне амбасады Фінляндыі ў Літве. Дыппрадстаўніцтва Беларусі ў Хельсінкі пачало функцыянаваць 5 снежня 2011-га. З інфармацыі на сайце дыпмісіі вынікае, што яе мандат таксама распаўсюджваецца на Данію. ☝️Фінляндыя, з’яўляючыся членам Еўрапейскага саюза, не прызнае Аляксандра Лукашэнку легітымным прэзідэнтам Беларусі. ЕС увёў у дачыненні да прадстаўнікоў ягонага рэжыму санкцыі. Афіцыйны Хельсінкі паслядоўна падтрымлівае беларускія дэмакратычныя сілы. ✅ Падрабязнасці 🗝 Без VPN 📷 Хельсінкі. Ілюстратыўнае фота: Tapio Haaja / unsplash.com