Украіна рыхтуе стратэгію стасункаў з Беларуссю, плануецца ўзмацніць супрацоўніцтва з дэмсіламі — Сібіга Паводле слоў кіраўніка МЗС Украіны Андрэя Сібігі, якія перадае "Укрінфарм", дакумент у найбліжэйшы час будзе прадстаўлены на пасяджэнні парламенцкага камітэта па пытаннях знешняй палітыкі і міжпарламенцкага супрацоўніцтва. "Мы структуравалі падыходы ў рамках нашай палітыкі ў дачыненні да Беларусі, — заявіў Сібіга. — Мы наладзілі належнае супрацоўніцтва з [беларускімі] дэмакратычнымі сіламі, я ў міністэрстве прызначыў амбасадара па асаблівых даручэннях, адказнага за гэты кірунак, і мы інстытуцыянальна будзем яго ўзмацняць". Каментуючы планы Украіны на беларускім трэку, ён падкрэсліў, што лічыць роднаснымі гістарычныя мэты Украіны і Беларусі. "Мы павінны дапамагчы Беларусі стаць еўрапейскай калегай, таму што Беларусь — гэта таксама Еўропа", — патлумачыў міністр. ✅ Падрабязнасці 🗝 Без VPN 📷 старонка Андрэя Сібігі ў "Фэйсбуку"