Поскачин В.С.

Бэҕэһээ икки улахан концерт буолан ааста. Биирэ Үөһээ Бүлүүгэ, биирэ Дьокуускайга. Бу икки группа иккиэн Үөһээ Бүлүүгэ үөскээбит, онно айбыт-туппут группалар. Оруобуна 90-с сылларга. Бастакы тахсыбыт, уонна саастарынан да аҕалара "Чолбон", иккис "Байанай" группа. Иккиэн бэйэ-бэйэлэрин ытыктаһан, өйөнсөн баччааҥҥа диэри кэллилэр. Бу билигин "Байанай" группа оннугар соҕотох Артур Баянаев ыллаата, убайын Куприян аатын өссө да ааттатта. Онон өссө даҕаны кини концертара салгыы буолуохтара диэн эрэниэххэ. Онтон "Чолбон" бөлөх концерда куоракка сэтинньи 6 күнүгэр буолар, манна эмиэ элбэх киһи кэлэрэ күүтүллэр. Үөһээ Бүлүүгэ бу маннык элбэх группа баарын билэбит. Мин "Уолан" уонна "Үргэл" группалары ааттыахпын сөп. Эмиэ тус-туспа суоллаах-иистээх уолаттары. Куоракка эмиэ маннык группалар баалларын билэбит, кинилэр бу Артур концерын өйөөбүттэригэр барҕа махтал! Сахалар бу уолаттарбытынан киэн туттуохтаахпыт уонна өйүөхтээхпит! Норуот ис санаатын этэ-тыына сылдьар билиҥҥи кэм олоҥхоһуттарын!