Поскачин В.С.

Мин бу афера буоларын туһунан хара маҥнайгыттан эппитим.Муоста тутуллуута бу саха омук үйэлэр усталарыгар баҕарбыт сырдык ыра санаата.Ол ыра санааны сиргэ-буорга тэпсэн, харчы эрэ хостуур механизм оҥорбуттара көстөн турар ээ. Василий Николаевтар ураты ити ааттаабыт депутаттара мин сессияҕа этэрим саҕана саҥата суох олорбуттара, хата кинилэр да мэйиилэригэр син тиийбит эбит.Аны Конституцияны уларытыахха, Айсен Николаевы үһүс срогар хаалларыахха диэн билиҥҥи Үөһээ Бүлүү баһылыга сарылыыр-хаһыытыыр аҥаардаах ыҥырыыта тарҕаммыт. Киһи күлүөх саамай кистэлэҥ санааларын арыйан биэрээхтээбит - Өлүөнэ муостатын бу эрэ киһи ситэри тутар кыахтаах үһү диэн. Ол баҕата өйдөнөр - уурайар түгэнигэр албына-түөкэйэ барыта күөрэйэн тахсар буоллаҕа дии. Бу маннык сэлээр, хаһан даҕаны эппит тылын толорбот киһи син биир кыайбат, ситэрбэт. Онон Улуу эбэбитин уҥуордуохтаах улуу тутууну атын, чиэһинэй, көнө эрэ киһи Ил Дархан буоллаҕына кыайыаҕа. Акаары дьону албынныыр курдук буолан түһэн. Былырыын Конституцияны уларытыы, олохтоох бэйэни салайыныыны урусхаллааһын, нэһилиэктэри эһии политиката - бу барыта Айсен Николаев үһүс срокка турар ыт баҕатын толорууга аналлаах тэрээһиннэр. Төһөнөн саха омуга мөлтүүр, быстар-дьадайар, ыһыллар-тоҕуллар - оччоннон бу былаас күүһүрэр диэн өйдөбүл содула.