Поскачин В.С.

Бу быыбарга фантазиялаан көрдөххө бу икки кандидат кыттыспыттара буоллар Шамаевы хотор этилэр. Ону ити результат даҕаны көрдөрдө. Федот Тумусов уопуттаах депутат, агитатор буолара эмиэ көһүннэ, ол иһин бүтэһик күннэргэ күүскэ үлэлээн итиччэ элбэх куолаһы хомуйда. Аны депутатскай статуһа суох, мин курдук дьиҥнээх оппозиционнай политик буолан төһө саҥарарын-иҥэрэрин истиэхпит турдаҕа. Ньургуйаана Заморщикова буоллаҕына улахан, федеральнай таһымнаах быыбарга бастакы холонуута. Ол да буоллар бэккэ кииристэ. Уонна Саха Сиригэр биир күүстээх политик быһыытынан билиннэ. Кини аныгыскы Госдумаҕа билиҥҥиттэн аһаҕастык бэлэмнэнэн барыан наада дии саныыбын. Ил Түмэн нөҥүө даҕаны, Госдумаҕа баар "Новые Люди" партия фракциятын нөҥүө даҕаны элбэх федеральнай сокуоннарга этиилэри киллэрэн барыахтаах. Бу быыбарга кыттан кини даҕаны, партията даҕаны улахан опыт ыллылар, сайыннылар, билиннилэр. Киниэхэ салгыы бу темпатын ыһыктыбакка саҥара-иҥэрэ, дьоҥҥо-сэргэҕэ бэйэтин санаатын тиэрдэ, киирсэ сылдьарыгар баҕарабын!