Поскачин В.С.

Бу Николаев диэн баһылык Айсен Николаев улууһу ыһарга анаан соруйан туруорбут киһитэ быһыылаах. Быыбар бастакы болдьоҕун сылтах булан суутунан тохтотон, үс ыйга көһөрөн, ол кэмҥэ дэлби бэлэмнэнэн баран үлтү баалкылаан, анаан-минээн республика избиркомун солбуйааччыта салайааччылаах, сүүрбэччэ ОМОН арыаллааһыннаах правительственнай десант кэлэн кыайбыт аатырбыттара. Биир Кэнтик киһитэ эппитэ:"... ама дуу, Кэнтиккэ 30-ча эрэ киһи Михалевка куоластаабыт эбит дуу, ити баҕас оҥоһуу, аҥаардас мин билэр дьоммуттан ити Николаевы сөбүлээбэт дьон итиннээҕэр элбэх" - диэбитэ. Оннук "сиикэй" соҕустук, бэрт аҕыйах куолаһынан кыайбыт киһи син скромнай соҕус буолуохтаах этэ. Ону эҥин араас подхалимнаһар хорохоот бөҕө муста охсон " культ личности" оҥоро сатаатылар, бу 2,5 сыл устата. Үлэлии илик да киһини "Аҕа баһылыкпыт" дии-дии ураатаан да биэрдилэр. Аҕа баһылык диэн ааттаныан иннинэ саатар биир эмэ үчүгэй дьыаланы оҥоруохтааҕа, үлэни-хамнаһы тэрийиэхтээҕэ, дьонун-сэргэтин түмүөхтээҕэ буолуо дии. Мин өйдүүрбүнэн ыһыахтыыр сиргэ Кэнтик өттүттэн киирэр аартыкка турар икки анаан-минээн оҥоһуллубут сэргэлэри туурааһынтан үлэтин саҕалаабыта. Чэ буоллун. Бу киһибит быыбарын кэнниттэн тохтоло суох дьону үлэлэриттэн үүрэринэн дьарыктанан кэллэ. Уонна хантан дьону түмүөй? Бары да истэ-билэ сылдьаргыт буолуо, дьону сойуолаһар идэлээҕин. Тоҕо бэккэ үлэлии сылдьар салайааччылары уурат да уурат, уларыт да уларыт буоларын өйдөөбөппүн. Күүстээх баҕайытык үлэлии олорбут тутуу тэрилтэлэрин эмиэ барыларын кэриэтэ туоратта. Бары бэйэбит уолаттарбыт этэ ээ. Ама миигиттэн сылтаан буолуо дуо? Ити киһи Кэнтиккэ баһылыктаан олорорун саҕана дьэ элбэх тутуу ыыппытым, Кэнтиккэ. Оскуола тутуута тохтоон турарын үлэни салгыы ыыттараммын ити оскуола тутуллубута, детсад, таас уопсай дьиэ, мас уопсай дьиэ, МФЦ уонна спортзал туттарбыппыт. МФЦ арыллыытыгар "100-й юбилейный объект" дэттэрэммин "Үтүө Дьыала" дирекциятыттан эбии оборудование, бэлэх-туһах бөҕө кэлбитэ, бэйэлэрэ эмиэ делегацияннан кэлэн барбыттара. Ол саҕана отой миэхэ "вернай соратник" курдук сылдьыбыта дии. Кэнтик тимир уустарын хара бастакыттан күүскэ өйөөбүппүн билинэн делегацияннан киирэн бэйэлэрэ уһаарбыт тимирдэриттэн охсубут бастакы номердаах саха быһаҕын биир киэһэ өссө квартираҕа олорор кэммэр кэлэн бэлэхтээн барбыттара. Ол делегацияҕа баһылыктара, ити Валерий Николаев баар этэ. Атаҕастаммыт-баттаммыт киһи, баһылык буолбатах этэ. Ити билигин мин саҕана үлэлээбит баһылыктарга барыларыгар сыһыаннаах. Бу быыбар агитациятыгар сылдьан бу "аҕа" баһылыкпыт хас этии нөҥүө Ил Дархаммыт да Ил Дархаммыт дииртэн атыны сатаан эппэт диэн дьон сонньуйар. Онон бу тухары сүгүн үлэлээбэтэх, үлэлиир санаата да суох киһи этиитигэр олох наадыйымаҥ, үөһээ бүлүүлэр! Бука бары быыбарга кэлиҥ! Ол гынан баран ити киһи этэрин истимэҥ! Партияҕа КПРФ-ка, Госдума одномандатнайга Заморщиковаҕа, Ил Түмэҥҥэ мин оннубар - Скрыбыкиҥҥа куоластааҥ! Туругурдун Улуу Россия! Туругурдун Саха Сирэ! Туругурдун Үөһээ Бүлүү!