Мин депутатынан талыллыннахпына Госдума Аграрнай кэмитиэтигэр киириэхтээхпин. Биир сүрун туруорсар боппуруоһум — регионнар боломуочуйаларын кэҥэтии, ол иһигэр өртөөһүнү субъект айылҕатыттан көрөн бэйэтэ быһаарарын ситиһии. Оту саас өртүөххэ наада диэн элбэх киһи туруорсар. Өртөөһүн — саҥа от үүнэригэр туһалаах, от хаачыстыбата тупсар, лаҥхарбыт эргэ оту ыраастыыр, араас паразиттары, кыыл-сүөл тобоҕун уматар, ойуур уотугар күөдьүтүүнү суох оҥорор. Өр өртөммөтөх сиргэ сылгы ырыганныыр, элбэхтик кээһэр, ыалдьар, мөлтөх төрүөҕү биэрэр. Ону таһынан ынах-сүөһү тоҥ ниирэйи төрөтөр, араас ыарыыны хаптарара элбиир. Ол тыа хаһаайыстыбатыгар улахан охсуулаах. Онон сааскы хонтуруолланар өртөөһүнү көҥүллүүрү ситиһиэхтээхпит. Биллэн турар, уот турбатын курдук ойуур хаара уулла илигинэ, нэһилиэк баһылыгын салалтатынан уонна сирдээх дьон хонтуруолларынан өртөөһүн ыытыллыахтаах.