НВК «Саха»

Саха сиригэр СВО кыттыылаахтарын дьиэ кэргэттэриттэн 900 тахса киһи реабилитацияны ааста Доруобуйаларыгар хааччахтаах оҕолорго уонна ыччакка аналлаах чөлүгэр түһэрэр өрөспүүбүлүкэтээҕи киинигэр анал байыаннай дьайыы кыттыылаахтарын дьиэ кэргэттэрин 933 чилиэнэ, ол иһигэр 398 улахан киһи уонна 535 оҕо, толору кээмэйдээх чөлүгэр түһэриини ааста. Бу туһунан брифиҥҥэ киин дириэктэрин солбуйааччы Анна Пудова иһитиннэрдэ. Оҕолорго психолог уонна дефектолог дьарыктара тэрилиннилэр. Ону таһынан массаж, физиотерапевтическай процедуралар, гидрованналар, эмтиир физкультура уонна бассейнҥа дьарыктар көрүллэллэр. Маны таһынан, оҕолор тэрилтэ исписэлиистэрэ уонна бииргэ үлэлэһээччилэрэ биэдэмистибэлэр икки ардыларынааҕы бииргэ үлэлэһии чэрчитинэн ыытар маастар-кылаастарыгар уонна социокультурнай тэрээһиннэригэр кытталлар. Ону тэҥэ оҕолор ойуулуктары оҥоро үөрэнэллэр. «Подари надежду» бырайыак чэрчитинэн дьиэ кэргэн улахан чилиэннэригэр психологическай трениҥнэр уонна маастар-кылаастар, психотерапевт тус сүбэлэрэ бэриллэр. Хаартыска: Семен Аммосов/«Саха» НКИХ nvk-online.ru 📲 Mакс | Telegram | ВК | VK Видео | Rutube