⚡️Дьокуускай «Молодёжная столица России – 2027» күрэс финалистарын ахсааныгар киирдэ Өрөспүүбүлүкэ киин куоратын таһынан «Молодёжная столица России – 2027» күрэскэ Великий Новгород, Иваново, Мурманск уонна Нальчик финалга киирдилэр. Биһиги Дьокуускайбыт Уһук Илинтэн финалга киирбит соҕотох куорат буолар. «Күрэскэ сайаапканы бэлэмнээбит, өйөөбүт дьоҥҥо махтанабын. Маны барытын биһиги көхтөөх устудьуоннарбыт, волонтердарбыт, эдэр урбаанньыттарбыт, айар кэллэктииптэрбит көмөлөрүнэн ситистибит. Биһиги ыччаппыт төрөөбүт дойдутугар үөрэнэн, үлэлээн, бэйэ дьыалатын тэринэн инникитин түстүүрэ улахан суолталаах. Ол иһин Дьокуускай ыччат киинин статуһун ыллаҕына саҥа партнердар көстүөхтэрэ, улахан тэрээһиннэри ыытыахпыт», - диэн Ил Дархан Айсен Николаев үөрүүтүн үллэстэр. Ахсынньы 1-18 күннэригэр «Госуслуги» порталга куоластааһын саҕаланар. Кыайыылааҕы ахсынньы 19 күнүгэр ааттыахтара. nvk-online.ru 📲 💬Mакс | 💬Telegram | 💙ВК | 📺VK Видео | 📺Rutube