НВК «Саха»

Бүгүн «Ил Дарханныын кэпсэтии» биэриини 21:00 чаастан көрүҥ Бүгүн, сэтинньи 12 күнүгэр, «Саха» НКИХ ханаалыгар «Ил Дарханныын кэпсэтии» биэрии 21:00 чаастан көстүөҕэ. Ону тэҥэ биэриини «Тэтим» араадьыйаҕа эмиэ истиҥ. Биэриигэ Ил Дархан Айсен Николаев быйылгы уустук усулуобуйаларга ааспыт аһылык бэлэмнээһинин хампаанньатын түмүктэрин таһаарыаҕа. Ону кытта оттук сезонугар бэлэм, чуолаан, улуустарга хочуолунайдары уматыгынан хааччыйыы тиэмэтэ ырытыллыаҕа. Ураты болҕомтону хотугу таһаҕаһы тиэйиигэ ууруохтара. Ону тэҥэ Айсен Николаев олохтоох бэйэни салайыныы туһунан саҥардыллыбыт сокуон үлэлээбит бастакы сылын түмүктэрин таһаарыаҕа. Атын суолталаах тиэмэлэр истэригэр — социальнай гаастааһын бырагырааматын олоххо киллэрии хаамыыта, ону тэҥэ өрөспүүбүлүкэҕэ массыына суолларын тутууга, өрөмүөннээһиҥҥэ уонна саҥардыыга туһуламмыт дьаһаллар. Ону таһынан, «Ил Дарханныын кэпсэтии» биэриигэ төрөөбүт тыллары харыстааһын, мэдиссиинэ өҥөтүн хаачыстыбатын үрдэтии боппуруостара уонна Саха сиригэр Култуура сылын барыллаан түмүктэрэ таарыйыллыахтара. nvk-online.ru 📲 Mакс | Telegram | ВК | VK Видео | Rutube