Сунтаар улууһугар социальнай эйгэ сайдыыта Сунтаар улууһун баһылыга Анатолий Григорьев СӨ Үлэ уонна социальнай сайдыыга миниистирэ Елена Волкованы көрүстэ. Сүбэ мунньахха социальнай бырагыраамалары олоххо киллэрии, олох-дьаһах хааччыллыытын тупсарыы уонна нэһилиэнньэҕэ социальнай өҥөлөрү кэҥэтии тула буолла. Бу туһунан улуус дьаһалтатын пресс-сулууспата иһитиннэрэр. Сүрүн болҕомто улуус таһымыгар саҥа социальнай эбийиэктэри арыйыыга уонна үлэлии турар тэрилтэлэр материальнай-техническэй базаларын күүһүрдүүгэ уурулунна. Ол курдук, биэнсийэҕэ тахсыбыт аҕам саастаах дьон көхтөөх олохторун өйүүр уонна уопсастыба олоҕор кыттыыларын хааччыйар аҕам саастаахтарга уһуйааны уонна дьиэ кэргэн киинин тэрийии наадалааҕын бэлиэтээтилэр. Маны тэҥэ, дьиэ кэргэн институтун бөҕөргөтөр, ийэлэргэ уонна оҕолорго комплекснай көмөнү оҥорор Дьиэ кэргэн киинин материальнай-техническэй базатын тупсарыы уонна ыарахан балаһыанньаҕа түбэспит дьиэ кэргэттэргэ социальнай-психологическай көмө таһымын үрдэтии тула санаа үллэһиннилэр. nvk-online.ru 📲 💬Mакс | 💬Telegram | 💙ВК | 📺VK Видео | 📺Rutube