Ил Дархан СӨ киһи быраабын боломуочунайа Сардана Гурьеваны кытта көрүстэ Бүгүн, сэтинньи 9 күнүгэр, Ил Дархан Айсен Николаев СӨ киһи быраабын боломуочунайа Сардана Гурьеваны кытта оробуочай көрсүһүүнү ыытта. Көрсүһүү кэмигэр ураты болҕомтону анал байыаннай дьайыы кыттыылаахтарын уонна кинилэр дьиэ кэргэттэрин өйөбүлүгэр уурдулар. Сардана Гурьева сураҕа суох сүппүт байыастар дьиэ кэргэттэрин боппуруостарын быһаарыыга үлэ хаамыытын иһитиннэрдэ. Демобилизация кэнниттэн байыастары чөлүгэр түһэриигэ коммерческайа суох тэриллиилэр бырайыактарын гранынан өйүүр туһунан Сардана этиитин дьүүллэстилэр. Ону тэҥэ байыаннай сулууспалаахтар бырааптарын көмүскэлигэр дьаһаллары уонна өрөспүүбүлүкэ олохтоохторун медицинскэй көмөҕө уонна олорор дьиэҕэ сыһыаннаах боппуруостары көрдүлэр. Айсен Николаев Сардана Гурьеваҕа өрөспүүбүлүкэ олохтоохторун бырааптарын көмүскүүргэ уонна байыастарга, кинилэр чугас дьонноругар бары наадалаах көмөнү оҥорорго соруйда. nvk-online.ru 📲 💬Mакс | 💬Telegram | 💙ВК | 📺VK Видео | 📺Rutube