Өлүөнэ өрүһүнэн таһаҕаһы тиэйии муус турбутуттан тохтуур «Ленское объединенное речное пароходство» ПАУо партнердарыгар уонна таһаҕас ылааччыларга Өлүөнэ өрүһүнэн «Жатай – Төхтүр – Жатай» хайысханан ледокол арыалдьыттаах таһаҕаһы тиэйиини быстах кэмҥэ уларыталларын туһунан иһитиннэрэр. Бу өрүскэ муус турбута уонна суудуналар сырыыларыгар куттал суох буоларын хааччыйар туһуттан ылыллар наадалаах миэрэ. Бүгүн, сэтинньи 6 күнүгэр, «Төхтүр – Жатай» хайысханан рейс оҥоһуллуоҕа. Сэтинньи 7-8 күннэригэр таһаҕаһы уонна тиэхиньикэни тиэйиини букатын тохтотоллор. Барыллаан сэтинньи 9 күнүттэн саҕалаан бу хайысханан үлэ сөргүтүллүөҕэ. Суудуналар сырыылара муус букатын турдаҕына уонна суудуналар куттала суох ааһалларыгар анаан ханаал бэлэмнээһинин үлэтэ бүттэҕинэ эрэ кыаллыаҕа. Ледокол арыаллааһына сэтинньи 1 күнүттэн саҕаламмыта. Онно «Капитан Бородкин» ледокол, «ОТ-2050» буксир уонна «Жатай-1» бааржа кытталлар. Хаартыска: СӨ Тырааныспарга министиэристибэтэ nvk-online.ru 📲 Mакс | Telegram | ВК | VK Видео | Rutube