Дьокуускайга «Звёзднай» дьоҕус түөлбэ инфраструктурата сайдар Саха сиригэр сири-уоту сайыннарыы холобурдарыттан биирдэстэринэн киин куоракка «Звёзднай» дьоҕус түөлбэ буолар. Манна саҥа элбэх кыбартыыралаах дьиэлэр тутуллаллар, инженернэй уонна социальнай инфраструктура сайдар, дьиэ кэргэттэр үчүгэйдик олороллоругар усулуобуйалар тэриллэллэр диэн СӨ Тутууга министиэристибэтин пресс-сулууспата иһитиннэрэр. Карбаиновтар дьиэ кэргэҥҥэ «Звёзднай» түөлбэҕэ көһүү улахан суолталаах түгэнинэн буолла. Кинилэр бу иннинэ 15 сыл устата эргэ мас дьиэҕэ олорбуттара. Көһөн кэлбиттэрин кэнниттэн олохторо хайдах уларыйбытын туһунан Анна Карбаинова кэпсээтэ. «Эргэ мас дьиэҕэ 15 сыл олорбуппут. Сэсиэттии олорор ыалларбытын кытта эйэлээхтик олорбуппут, ол эрээри усулуобуйабыт уустук этэ. Ону ыарахаттары аахсыбакка, үчүгэй өйдөбүллэрбит элбэхтэр. Тохсунньу 14 күнүгэр «Звёзднай» түөлбэҕэ саҥа кыбартыыраҕа көспүппүт. Былаана тута биһирэппитэ, барыта ып-ыраас, өрөмүөннэммит, сантехниката туруоруллубут. Көһүү үөрүүлээхтик уонна эйэлээхтик ааспыта, саҥа дьиэбититтэн олус үөрбүппүт», — диэн Анна үллэһиннэ. Санатар буоллахха, Саха сиригэр 2026 сыл балаҕан ыйын 1 күнүнээҕи туругунан, 2019 сылтан 1 018,7 тыһыынча квадратнай миэтэрэ хаарбах туруктаах дьиэттэн 55,2 тыһыынча киһи көһөрүллүбүт. Бу үлэ РФ Бэрэсидьиэнэ көҕүлээбит «Инфраструктура для жизни» национальнай бырайыак чэрчитинэн ыытыллар. nvk-online.ru 📲 Mакс | Telegram | ВК | VK Видео | Rutube
НВК «Саха»
Subscribers
23.9K
+0 24h
Reach per post (ERR)
3.0%711 avg views
Posting
21.4/day
last 2 hours ago
Reactions per 1K views
1.7
❤ 👍 👏
Views over time
| When | Views |
|---|---|
| 5 Nov 2026, 03:09 | 0 |
| 10 Nov 2026, 22:06 | 666 |
Who shared this post
Posts in other channels we index that link to this one. (Forwards with a hidden source can't be traced.)
Nobody yet.