🪖✊Уус Алдан улууһугар РФ Дьоруойа Александр Находкины көрүстүлэр Сирияны, Ливияны, Орто Африканы уонна анал байыаннай дьайыыны ааспыт, сэрии алдьархайын этинэн-хаанынан билбит, модун санаалаах саха хамандыыра, Россия Дьоруойа Александр Находкины алтынньы 29 күнүгэр Уус Алдан улууһун дьоно-сэргэтэ көрүстүлэр. Бу туһунан улуус дьаһалтатын пресс-сулууспата иһитиннэрдэ. Александр Егорович буор куттаах, өбүгэ ситимнээх киһи. Кини аҕатын өттүнэн — Бороҕон Сыҥааҕыттан, саха омук судаарыстыбаннаһын түстээбит, бөдөҥ уопсастыбаннай-бэлитиичэскэй диэйэтэл Сэһэн Ардьакыаптан сыдьааннаах. Ийэтин өттүнэн — Аҕа дойду Улуу сэриитин албан ааттаах буойуттара, хорсун-хоодуот Александр уонна Михаил Чусовскойдартан төрүттээх. Донбасска нуучча норуотун дьылҕата быһаарыллар кэмигэр, кини туора туран биэрбэтэҕэ. Норуотун көмүскүүр сыаллаах, бэйэтин баҕатынан норуодунай ополчениеҕа барбыта. Мантан саҕаламмыта уһун унньуктаах, ыар бойобуой суола. Сирияҕа, Ливияҕа, Киин Африкаҕа тиийэ сылдьан, кини өлүү дьуоҕатыттан мүччү туттаран, хаста даҕаны иккис тыыннаммыта. Бахмут иһин кырыктаах кыргыһыыга хамандыырдарын сүтэрбиттэригэр, Александр Егорович уолуйбакка, взводу, онтон 1300 кэриҥэ киһилээх ротаҕа тиийэ салайбыта. Кини сатабыла, модун санаата уонна байыастарын туһугар кыһамньыта кыайыыны аҕалбыта. Ол иһин кинини «Эр Санаа» үһүс уордьанынан, «Хорсунун иһин» иккис мэтээлинэн бэлиэтээбиттэрэ. nvk-online.ru 📲 💬Mакс | 💬Telegram | 💙ВК | 📺VK Видео | 📺Rutube