Саха сирин ыраах сытар нэһилиэнньэлээх пууннарыгар 1236 туонна социальнай суолталаах ас-үөл табаарын тиэртилэр Быйыл ыраах сытар нэһилиэнньэлээх пууннарга «Арктикатааҕы эргиэн-логистика хампаанньата» АУо (АУо «АТЛК») уунан 1236 туонна социальнай суолталаах аһылык бородууктатын тиэйэн аҕалла. Кыһыҥҥы массыына суола аһылыннаҕына, хампаанньа хотугу уонна Арктика оройуоннарыгар табаары таһыыны салгыы ыытыаҕа. Бу туһунан «Актуальное интервью» биэриигэ АУо «АТЛК» генеральнай дириэктэрэ Сайдам Степанов иһитиннэрдэ. «Ахсынньыга биһиги массыына суолунан Өлөөн, Муома, Орто Халыма уонна Үөһээ Халыма курдук Арктика оройуоннарыгар аһылык бородууктатын таһар кыахтаахпыт. Быйыл аан бастаан «Арктика суоллара» хампаанньаны кытта ахсынньыга, Саҥа дьыл иннинэ, Үөһээ Дьааҥы уонна Усуйаана улуустарыгар аһылыгы таһаары былаанныыбыт», — диэн Сайдам Степанов эттэ. Хаартыска: sakha.gov.ru nvk-online.ru 📲 Mакс | Telegram | ВК | VK Видео | Rutube