Бүгүн IV Николаевскай форум иккис күнэ ыытыллар Балаҕан ыйын 30 күнүгэр Хаҥалас улууһун Чапаево сэлиэнньэтигэр IV Николаевскай форум «Норуоттар сомоҕолоһуулара — Уһук Илин уонна Арктика сайдыытын стратегията» саҕаламмыта. Бу форум аан бастаан регионнар икки ардыларынааҕы таһымнаах ыытыллар. Кыттыылаахтары СӨ Бырабыыталыстыбатын Бэрэссэдээтэлэ Кирилл Бычков эҕэрдэлээтэ. Форум үлэтэ алтынньы 2 күнүгэр диэри салҕаныаҕа. Форум СӨ Бастакы Бэрэсидьиэнэ Михаил Николаев идиэйэлэрин харыстааһыҥҥа уонна сайыннарыыга ананар уонна кини төрөөбүт дойдутугар — «Николаев-Киин» библиотека-архив баазатыгар ыытыллар. Тэрээһин дойду бэрэсидьиэнэ Владимир Путин биллэрбит Россия норуоттарын сомоҕолоһууларын сылыгар ананна. Сиһилии бу сигэнэн киирэн ааҕыҥ Хаартыска: Саргын Скрябин/СИА nvk-online.ru 📲 Mакс | Telegram | ВК | VK Видео | Rutube