📨Мэҥэ Хаҥаласка быыбар көхтөөхтүк ыытылла 25 тыһыынчаттан тахса быыбардааччылаах Мэҥэ Хаҥалас улууһугар 34 быыбардыыр учаастакка хамыыһыйа чилиэннэрэ үлэлэрин саҕалаатылар. Үс күн устата РФ Судаарыстыбаннай Дууматыгар депутаттары талар суолталаах быыбар бастакы күнүгэр дьон кыттыыта көхтөөҕүн бэлиэтээтилэр. Улуус киинигэр Аллараа Бэстээххэ икки быыбар учаастага үлэлиир буоллаҕына, Майа сэлиэнньэтигэр үс быыбар учаастагар үлэ-хамнас тэтимнээхтик саҕаланна. 257-ис нүөмэрдээх Арҕаа Майатааҕы учаастакка 1880 киһи быыбардыыр испииһэккэ суруллан үс күн устата быыбарга кыттыаҕа. Мантан 51 быыбардааччы дьиэҕэ уонна 39 киһи балыыһаҕа куоластыырга сайаапка биэрэннэр, доруобуйаларынан хааччахтаах ыарыһахтарга быыбардыыр бырааптарын туһаналларыгар усулуобуйа олохтонон, хамыыһыйа үлэһиттэрэ киин сытар балыыһаҕа миэстэтигэр тиийэннэр доруобуйаларынан хааччахтаах быыбардааччылары куоластаттылар. nvk-online.ru 📲 Mакс | Telegram | ВК | VK Видео | Rutube