Биллиилээх учуонай, дьоҥҥо-сэргэҕэ киэҥник биллэр, олус ытыктанар киһибит, социология наукатын доктора, психология наукатын кандидата, профессор, Россиятааҕы естественнэй наукаларга Академия академига, СӨ Ил Түмэнин I уонна II ыҥырыылаах мунньаҕын депутата Ульяна Алексеевна Винокурова 80 сааһыгар сылдьан, бу Орто дойдуттан барбытын курутуйа иһиттим... Ульяна Алексеевна хайа да түгэҥҥэ холку, төрөөбүт дойдутун, дьонун-сэргэтин дьылҕатын туһугар ис сүрэҕиттэн туруулаһара, саныыр санаатын бар дьонугар сатаан тиэрдэр, мындыр өйдөөх, киэҥ көрүүлээх этэ. Саха телевидениетыгар уонна араадьыйатыгар элбэхтик ыалдьыттаан, биэриилэргэ кыттан, араас эйгэҕэ көрүүлэрин, тус санаатын, анаарыыларын аһаҕастык этэрэ-кэпсиирэ, үйэлээх этиилэрэ, билиитэ-көрүүтэ киэҥэ сөхтөрөрө. Кини сырдык олоҕо, олоххо сыһыана, дойдутугар таптала биһиэхэ барыбытыгар бастыҥ холобур буолар. «Саха» НКИК коллективын, Ил Түмэн депутаттарын уонна тус бэйэм ааппыттан дириҥ кутурҕаммын кини дьиэ-кэргэнигэр, оҕолоругар, сиэттэригэр, чугас аймах-билэ дьонугар тиэрдэбин... Үтүө киһи аата үйэлэри уҥуордаан сирдьит сулус буола туруо диэн эрэнэбин... Мой канал в МАХ 📲