Бүлүү улууһугар сүппүт дьахтары көрдүүллэр Бүлүү улууһун Уһун сэлиэнньэтигэр сүппүт олохтоох дьахтары көрдүүллэр. Кэргэнэ этэринэн, 1984 сыллаах төрүөх дьахтар атырдьах ыйын 12 күнүгэр дьиэтиттэн тахсан баран сибээскэ тахсыбатах. Бэрэбиэркэ түмүгүнэн, сүппүт дьахтар бүтэһигин атырдьах ыйын 12 күнүгэр ийэтигэр куоракка баран эрэрин мессенджергэ суруйбут. Олохтоохтортон биирдэстэрэ дьахтары сүппүтүн кэннэ икки хонук буолан баран атырдьах ыйын 14 күнүгэр көрбүт. Кини этэринэн, дьахтар төрөппүттэрин дьиэтин диэки хааман барбыт. Көрдүүр үлэҕэ Иван Иванов салалтатынан СӨ Быыһыыр сулууспатын Бүлүүтээҕи көрдүүр-быыһыыр этэрээтин быыһааччылара, РФ ЫБММ Бүлүүтээҕи салаатын үлэһиттэрэ, олохтоохтортон волонтердар кытталлар. Сири-уоту көрүүгэ үс тиэхиньикэ тардылынна. Ону тэҥэ тепловизордаах квадрокоптеры туһаналлар. Хаартыска: СӨ Быыһыыр сулууспатын архыыбыттан nvk-online.ru 📲 Mакс | Telegram | ВК | VK Видео | Rutube