Ил Дархан Чурапчы улууһугар үлэлиир Ил Дархан Айсен Николаев Чурапчы улууһун Мырыла сэлиэнньэтигэр бааһынай үлэлэрин ыытарга агродроннары хайдах туһаналларын көрдө. «Эргис» тыа хаһаайыстыбатын кээпэрэтиибигэр пилота суох көтөр аппарааттары 170 га иэннээх сиргэ уоҕурдууну кутарга, бурдук үүнүүтүн кэтээн көрүүгэ, геодезическай устууга номнуо тутталлар. Бу аппарааттартан сорохторо Саха сиригэр хомуллубуттар. «Бу «Сир Ийэ» бырайыак хайысхаларыттан биирдэстэрэ буолар. Бырайыак тоҕус тэрилтэни, ол иһигэр билим кииннэрин, үрдүк үөрэх кыһаларын, идэтийбит тэрилтэлэри уонна пилота суох көтөр аппарааттар систиэмэлэрин салааларын тэрилтэлэрин холбуур. Бырайыак Соловьевскай уонна Болугур нэһилиэктэригэр 3600 га туһаныллыбатах тыа хаһаайыстыбатын сирин хабар уонна аһылык киинин тэрийэри торумнуур. Бу билими, аныгы технологиялары уонна тыа хаһаайыстыбатын соруктарын холбуур киэҥ хабааннаах үлэ», — диэн өрөспүүбүлүкэ баһылыга бэлиэтээтэ. Агродроннары туһаныы үлэ ороскуотун уонна тыа хаһаайыстыбатын тиэхиньикэтин ноҕуруускатын намтатарга кыах биэрэр. Бырайыак чэрчитинэн уопсайа аҕыс дрон үс хайысханан үлэлиир: икки — геодезическай устууга, икки — кэтээн көрүүгэ уонна түөрт — уоҕурдууну кутарга. Бырайыак дойду бэрэсидьиэнэ Владимир Путин көҕүлээбит «Беспилотные авиационные системы» национальнай бырайыагын соруктарыгар сөп түбэһэр. nvk-online.ru 📲 Mакс | Telegram | ВК | VK Видео | Rutube
НВК «Саха»
Subscribers
23.8K
−100 24h · −100 7d
Reach per post (ERR)
2.8%678 avg views
Posting
21.7/day
last 2 hours ago
Reactions per 1K views
1.8
❤ 👍 👏
Views over time
| When | Views |
|---|---|
| 17 Aug 2026, 05:38 | 0 |
| 10 Nov 2026, 22:06 | 830 |
Who shared this post
Posts in other channels we index that link to this one. (Forwards with a hidden source can't be traced.)
Nobody yet.