Цæгат æмæ Хуссар Ирыстоны филологтæ æмæ ахуыргæнджытæ фембæлдысты Цхинвалы. 27 октябры сахар Цхинвалы уагъд æрцыд конференци Æппæтдунеон æхсæнадон змæлд «Аланты Ныхас»-ы Хуссар Ирыстоны хайады хъæппæрисæй. Мадзал уагъд цыд змæлды сæрдар Тыбылты Леониды разамындæй. Конференцийы хайад райстой Цæгат æмæ Хуссар Ирыстоны ирон æвзаг æмæ литературæйы ахуыргæнджытæ, филологтæ, методисттæ æмæ дæсны специалисттæ. Цæгат Ирыстон-Аланийы делегацийæн сæргълæууæг уыд Бургалаты Заремæ. Конференцийы куысты ма хайад райста Хуссар Ирыстоны ахуырады министр Лолаты Аслан дæр. Дискуссийы сæйраг темæ уыд мадæлон æвзаг парахат кæнын æмæ нырыккон ахуырады системæйы уавæр фæхуыздæр кæнын @alannyxas