Мемлекет басшысы Қасым-Жомарт Тоқаевтың реформаларының негізінде адам және оның мүдделері тұр, деді мемлекет және қоғам қайраткері Мәулен Әшімбаев Шымкентте өткен «Реформалар мәні: Қазақстанның болашақ тарихының жеті тарауы» атты кітабының таныстырылымында. Шымкентте мемлекет басшысы Қасым-Жомарт Тоқаевтың жаңғырту күн тәртібіне арналған «Реформалар мәні: Қазақстанның болашақ тарихының жеті тарауы» атты кітаптың таныстырылымы өтті. Іс-шара барысында кітап авторы, мемлекет және қоғам қайраткері Мәулен Әшімбаев өңірдің ғылыми және шығармашылық зиялы қауым өкілдерімен, сарапшылармен және қоғам белсенділерімен бірге Мемлекет басшысының бастамасымен елімізде жүзеге асырылып жатқан саяси, экономикалық және әлеуметтік өзгерістердің негізгі бағыттарын талқылады. Сондай-ақ сапар аясында Мәулен Әшімбаев жергілікті бочча федерациясының өкілдерімен және өңір жастарымен кездесті.