Вызваленыя палітвязні маюць прыбыць у Вільню пасля 16:00. Месца сустрэчы: скрыжаванне вуліц Зэльвенскай (Želvos g.) і Дзевалтоўскай (Deltuvos g.) Дакладная лакацыя: https://maps.app.goo.gl/biRitAgmLgVb3nPa9?g_st=ic Час пазней можа быць удакладнены, калі героі выедуць з мяжы. Родных і блізкіх вызваленых просяць звяртацца па дэталі ў гарачую службу «Вясны» або да валанцёраў на месцы. Яны дапамогуць звязацца з вызваленымі і падкажуць далейшыя дзеянні. Прадстаўнікі Офіса Святланы Ціханоўскай просяць усіх, хто прыйдзе сустрэць, ставіцца да вызваленых з беражлівасцю і павагай. «Яны доўгі час знаходзіліся ў зняволенні, таму цяпер ім асабліва патрэбныя спакой, асабістая прастора і час, каб прыйсці ў сябе». «Галоўнае сёння — сустрэць нашых людзей з цеплынёй, годнасцю і павагай да таго, праз што яны прайшлі», — гаворыцца ў інфармацыйным паведамленні.