Ички иштер министринин орун басары Антикоррупциялык ишкердик кеңештин алдындагы Жаштар альянсынын ачылышында сөз сүйлөдү Кыргыз Республикасынын Жогорку Кеңешинин имаратында Кыргыз Республикасынын Президентине караштуу Антикоррупциялык ишкердик кеңешинин алдындагы Жаштар альянсынын салтанаттуу ачылыш аземи болуп өттү. Иш-чарага өлкөнүн жогорку окуу жайларынан жана аймактарынан келген 90дон ашуун жаш лидерлер, мамлекеттик органдардын жана эл аралык уюмдардын өкүлдөрү катышты. Иш-чаранын жүрүшүндө Антикоррупциялык ишкердик кеңешинин башкы катчысы Нурипа Муканова жана Жогорку Кеңешинин депутаты Табылды Муратбеков катышуучуларга куттуктоо сөздөрүн сүйлөп, өз баяндамаларын жасашты. Ички иштер министринин орун басары, милициянын генерал-майору Эркебек Аширходжаев коррупцияга каршы саясат жана коомдо коррупцияга карата келишпестик маданиятын калыптандыруу темасында баяндама жасады. https://egov.kg/ru/ministry/interior