2026-жылдын 19-октябрынан 23-октябрына чейин Бишкек шаарында кыргыз милициясынын күнүнө арналган Кыргыз Республикасынын Ички иштер министрлигинин спорттун жети түрү боюнча Динамиадасы өттү. Динамиаданын жабылыш аземине Кыргыз Республикасынын ИИМдин Ички аскерлеринин кол башчысы Дамир Алыбаев, ИИМдин Кадрлар башкы башкармалыгынын башчысы Алишер Барпиев, ошондой эле Кыргыз дене тарбия жана спорттук «Динамо» Коомдук бирикмесинин төрагасынын биринчи орун басары Торокул Мадалиев жана башкалар катышты. Мелдештин жыйынтыгында байгелүү орундар төмөнкүдөй бөлүштүрүлдү: I орун - Кыргыз Республикасынын ИИМдин Күзөт кызматынын курама командасы; II орун - Кыргыз Республикасынын ИИМдин Ички аскерлеринин курама командасы; III орун - Кыргыз Республикасынын ИИМдин Академиясынын курама командасы. https://egov.kg/kg/ministry/interior/news/49911