Кырчын жайлоосунда милиция коомдук коопсуздукту камсыз кылууда VI Дүйнөлүк көчмөндөр оюндарынын алкагында Кырчын жайлоосунда маданий жана спорттук иш-чаралар өтүүдө. Ички иштер органдарынын жана Ички аскерлердин кызматкерлери коомдук тартипти сактап, жарандардын коопсуздугун камсыз кылууда. Кырчын жайлоосуна келген жарандардын саны көп болгондугуна байланыштуу элди ташууга милициянын автобустары да тартылды. Жарандарды ички иштер органдарынын кызматкерлеринин мыйзамдуу талаптарын аткарууга, коомдук тартипти сактоого жана жол кыймылынын эрежелерин так сактоого чакырабыз. ИИМдин Басма сөз кызматы