Абайлаңыздар, акча төлөмдөрү тууралуу жасалма жарыялар таралууда! Социалдык тармактарда Кыргыз Республикасынын Президенти Садыр Жапаровдун атынан Кыргызстандын Эгемендүүлүк күнүнө карата 5000 сом өлчөмүндө бир жолку төлөм берилет деген жалган маалымат таралууда. Жарыяда көрсөтүлгөн шилтеме аркылуу каттоодон өтүп, төлөмдү алуу сунушталууда. Ички иштер министрлиги эскертет: мындай билдирүүлөрдө көрсөтүлгөн шилтемелерге кирбеңиздер жана жеке маалыматтарыңызды, банктык реквизиттериңизди жана башка купуя маалыматтарды киргизбеңиздер. Мамлекеттик төлөмдөр жана башка расмий чечимдер тууралуу маалыматтарды мамлекеттик органдардын расмий жана ишенимдүү булактарынан гана алыңыздар. Мамлекеттик символдорду жана кызмат адамдарынын ысымдарын пайдаланып, жарандарды адаштырууга жасаган алдамчылардын аракеттерине жол бербеңиздер. ИИМдин Басма сөз кызматы