🔉Gaz hidi sezilganda xavfsizlik qoidalariga rioya qiling! ⭐️Aholi xavfsizligini ta’minlash, gaz bilan bog‘liq baxtsiz hodisalarning oldini olish hamda fuqarolarning hayoti va sog‘lig‘ini muhofaza qilish maqsadida gaz hidi sezilgan holatlarda quyidagi xavfsizlik qoidalariga qat’iy amal qilish tavsiya etiladi. ❗️Xususan, xonadonda gaz hidi sezilganda: 1. Elektr chiroqlarini yoqmang yoki o‘chirmang. Xonada chiroq yonib turgan bo‘lsa, uni o‘chirmang. 2. Elektr jihozlariga tegmang. Rozetkalardan foydalanmang, elektr jihozlarini tarmoqqa ulamang yoki uzmang. 3. Deraza va eshiklarni oching. Xonani zudlik bilan tabiiy shamollatish choralarini ko‘ring. 4. 112 qisqa raqamiga qo‘ng‘iroq qilib, gaz sizib chiqishi holati haqida tegishli xizmatlarga xabar bering. Qo‘ng‘iroqni gaz to‘plangan joydan tashqarida amalga oshiring. 🔗Unutmang! Gaz hidiga befarq munosabatda bo‘lish inson hayoti va salomatligi uchun jiddiy xavf tug‘dirishi mumkin. Xavfsizlik qoidalariga rioya qiling, yaqinlaringizni ogoh eting va favqulodda vaziyatlarning oldini olishga mas’uliyat bilan yondashing! Ogoh bo‘ling! Xavfsiz bo‘ling! Hayotni asrang! 🛫Telegram 🔗 LIVE 📞 Facebook 📺 Youtube 📷 Instagram ❌X.com