🔉“To‘maris izdoshlari” yana bir bor jasorat, mahorat va nafosatni bir sahnada jamladi ⭐️Harbiy libosda matonat, qalbida mehr, siymosida esa nazokat va latofat mujassam ayol harbiylarimiz bugun yana bir bor o‘z mahoratlarini namoyon etish uchun jam bo‘ldilar. Mamlakatimiz kuch tuzilmalari safida xizmat qilayotgan harbiy xotin-qizlar o‘rtasida an’anaviy “To‘maris izdoshlari” ko‘rik-tanloviga start berildi. Mazkur tanlovda ishtirokchilar harbiy va sport tayyorgarligi bo‘yicha kuch, chaqqonlik va matonatlarini, go‘zallik va nafosat, pazandalik mahorati hamda uy bekaligidagi uddaburonliklarini namoyish etadilar. Ayniqsa, tanlovda ishtirok etayotgan Mudofaa vazirligi tizimidagi harbiy xotin-qizlarimiz o‘zlarining kasbiy mahorati, yuksak intizomi, go‘zal fazilatlari va fidoyiligi bilan alohida e’tiborga loyiq. Ular Vatan himoyasida jasoratli, hayotda esa mehribon va nafosatli bo‘lish mumkinligini amalda namoyon etmoqdalar. 🔗Mudofaa vazirligi sharafini munosib himoya qilayotgan harbiy xotin-qizlarimizga omad va zafarlar tilaymiz! 🛫Telegram 🔗 LIVE 📞 Facebook 📺 Youtube 📷 Instagram ❌X.com