#AichiNagoya2026 #ParaOsiyoO'yinlari ⭐️O‘zbekiston delegatsiyasi medallar reytingida ikkinchi o‘rinda 2026-yilgi Para Osiyo o‘yinlarida O‘zbekiston terma jamoasi vakillari muvaffaqiyatli ishtirok etib, delegatsiya hisobiga yana oltin medallarni qo‘shib qo‘yishdi. 🔗Musobaqalar natijalariga ko‘ra, hamyurtlarimiz jami 68 ta medal — 21 ta oltin, 24 ta kumush va 23 ta bronza medalini qo‘lga kiritib, umumjamoa hisobida ikkinchi o‘rinni egallab turibdi. Navbatdagi bellashuvlarda o‘zbekistonlik sportchilar para veloshosse, para dzyudo va para pauerlifting yo‘nalishlarida yuqori natijalarni qayd etishdi. Xususan, para veloshosse bo‘yicha Marjona Pardaboyeva T1–2 klassida o‘tkazilgan vaqt poygasida 25 daqiqa 58,04 soniya natija bilan marraga yetib kelib, oltin medalga sazovor bo‘ldi. Para dzyudo bahslarida Dovurxon Karomatov J2 klassida, 95 kilogrammdan yuqori vazn toifasida aylanma tizim asosida o‘tkazilgan bellashuvlarda barcha raqiblarini mag‘lub etib, shohsupaning eng yuqori pog‘onasidan joy oldi. Para pauerlifting musobaqalarida ham O‘zbekiston vakillari muvaffaqiyatli ishtirok etishdi. Bekzod Jamilov 80 kilogramm vazn toifasidagi final bahsida 229 kilogramm toshni ko‘tarib, oltin medalni qo‘lga kiritdi. Shuningdek, Ruxshona O‘ktamova 67 kilogramm vazn toifasida g‘oliblikni qo‘lga kiritib, mamlakatimiz delegatsiyasi hisobiga navbatdagi oltin medalni qo‘shdi. 🔗O‘zbekiston Respublikasi Mudofaa vazirligi sportchilarni ushbu yutuq bilan tabriklab, kelgusi musobaqalarda omad yor bo‘lishini tilab qoladi. 🛫Telegram 🔗 LIVE 📞 Facebook 📺 Youtube 📷 Instagram ❌X.com