MOÑнан соң безне Anna Bistrot көтә🥂 2 октябрь көнне 19:00 сәгатьтә MOÑ мәйданчыгында «Кызыклы шәкерт | Уроки татарского» спектакле премьерасыннан соң без 21:00 сәгатьтә Anna Bistrot кафесында күрешәбез – анда премьера турында фикер алышырбыз. Бистрода безгә спектакльнең режиссёры Тимур Кулов һәм актёрлар Нурбәк Батулла, Илнур Гарифуллин һәм Рөстәм Гайзуллин да кушылачак. Спектакль хакында иркенләп сөйләшербез: сораулар бирергә, бәхәсләшергә, хис-кичерешләр белән уртаклашырга һәм «Подвал моей культуры» романының ни рәвешле театр әсәренә әйләнүе хакында сорашырга була. Спектакльнең үзендә дә тамашачы белән актёрлар янәшәдә: сез режиссёр һәм актёрлар белән бер подвалда булачаксыз һәм бу җирнең капкынмы, саклану урынымы икәнен ачыкларга тырышачаксыз. Бу фикерләшүләр Anna Bistrot – Fine Group командасы бистросында дәвам итәчәк. Билетлар Кич буе безнең белән булырга теләсәгез, спектакльгә һәм бистрода күрешүгә бердәм билет алыгыз – алай ташлама да булачак. Спектакль ТР Рәисе каршындагы Телләр комиссиясе ярдәме белән тормышка ашырылды.