🇰🇿 Қызмет пен отбасы – қатар ұштасқан қос құндылық Қызметі мен отбасын қатар алып жүріп, бала-шағасына да уақыт тауып, көпке үлгі болып жүрген өнегелі отбасылардың бірі – Аягөз гарнизонындағы 97616 әскери бөлімінің әскерлер қызметінің бастығы подполковник Мұрат Оспановтың отбасы. Мұрат Серікқанұлы үшін Отан алдындағы қызмет пен отбасының орны ерекше. Әскери қызметтің жауапкершілігін абыроймен атқара жүріп, ол отбасына да көңіл бөліп, бала тәрбиесіне мән беруді басты міндеттердің бірі санайды. Жан жары Гүлнұр Ертуғанқызымен бірге шаңырақтың берекесін сақтап, бір-біріне қолдау көрсетіп келеді. Гүлнұр Ертуғанқызы өз кәсібін дөңгелетіп, отбасының берекесін арттырып жүрген іскер жан. Ерлі-зайыптылардың өзара түсіністігі мен қолдауы – отбасының берік болуының негізі. Қызметтегі жауапкершілік пен отбасындағы жылылықты қатар алып жүрген Оспановтар отбасы – кейінгі буынға үлгі боларлық өнегелі шаңырақ. Берекелі отбасы – елдің тірегі. Ал татулық пен өзара қолдау бар жерде кез келген биікті бағындыруға болады. 🇰🇿 Armia.kz 📱 Insta 📱 Threads 📱 FaceBook 📱 TikTok 📱 t.me 📱 YouTube 🇰🇿 Aitu 📱 x.com