✅ Шымкент қаласындағы №131 ашық сайлау учаскесінде 35748 әскери бөлімінде мерзімді әскери қызметін өтеп жүрген 265 сарбаз дауыс берді. Солардың қатарындағы қатардағы жауынгер Али ИМАНБЕК үшін бұл күн ерекше маңызға ие, себебі әскери қызмет барысында алғаш рет дауыс беріп, азаматтық ұстанымын білдіруге мүмкіндік алды. – Мен үшін бүгінгі күн ерекше маңызды. Себебі алғаш рет дауыс беру арқылы ел өміріндегі маңызды саяси оқиғаға өз үлесімді қосып, азаматтық ұстанымымды білдіруге мүмкіндік алдым. Дауыс беру – әр азаматқа берілген үлкен жауапкершілік деп ойлаймын. Еліміздің болашағына қатысты маңызды шешімдерге бейжай қарамай, өз таңдауымды жасау мен үшін үлкен мәнге ие. Қазіргі таңда әскери қызмет атқарып жүргендіктен, Отан алдындағы борышымды өтеумен қатар, азаматтық міндетімді де орындағаныма қуаныштымын, – деді қатардағы жауынгер Али ИМАНБЕК. 🇰🇿 Armia.kz 📱 Insta 📱 Threads 📱 FaceBook 📱 TikTok 📱 t.me 📱 YouTube 🇰🇿 Aitu 📱 x.com