21-OKTABR — O‘ZBEK TILI BAYRAMI! 📚Ona tilimiz — milliy o‘zligimiz, ma’naviyatimiz va qadriyatlarimizning bebaho timsoli. Tilimizni e’zozlash, uning boy imkoniyatlarini keng targ‘ib etish hamda kelajak avlodga yetkazish har birimizning sharafli burchimizdir. 🗓 1989-yil 21-oktabrda o‘zbek tiliga davlat tili maqomi berildi. Bu tarixiy sana xalqimizning milliy o‘zligi va ma’naviy merosini asrab-avaylash yo‘lidagi muhim qadam bo‘ldi. 🤩 Bugun o‘zbek tili — qalbimizga yaqin, g‘ururimizga aylangan, avlodlarni birlashtiruvchi bebaho boyligimizdir. Uni sevish, hurmat qilish va ravnaqiga hissa qo‘shish barchamizning mas’uliyatimizdir. 🇺🇿 Ona tilimiz — millatimiz iftixori, qalbimiz ifodasi va kelajagimiz poydevori!