‼️Жеке үйүнүн курулушуна аскер кызматкерлерин тарткан аскер бөлүгүнүн командири кармалды Аскер прокуратурасы тарабынан УКМКнын Аскердик контрчалгындоо башкы башкармалыгынын ыкчам коштоосунда жүргүзүлгөн иш-чаралардын натыйжасында Кыргыз Республикасынын Куралдуу Күчтөрүнүн аскер бөлүктөрүнүн биринин командири келишимдик негизде кызмат өтөгөн аскер кызматкерлерин узак убакыт бою жеке үйүнүн курулушуна мажбурлап тарткандыгы аныкталды. Аталган факты боюнча Кылмыш-жаза кодексинин 337-беренеси (кызмат абалын кыянаттык менен пайдалануу) менен кылмыш иши козголду. Тергөөнүн жүрүшүндө аскер бөлүгүнүн командири И.А. кармалып, Бишкек шаардык ички иштер башкы башкармалыгынын убактылуу кармоочу жайына киргизилди. Учурда Аскер прокуратурасы тарабынан Кыргыз Республикасынын башка аскердик түзүмдөрүндө ушул сыяктуу фактыларды аныктоо боюнча тергөө амалдары жүргүзүлүүдө.