Кыргызстанга КМШга мүчө мамлекеттердин коргоо министрлеринин делегациялары келишти 2026-жылдын 14-октябрында Ысык-Көл облусунун Тамчы айылында жайгашкан «Ысык-Көл» эл аралык аэропортуна Кыргыз Республикасында өтө турган Көз карандысыз Мамлекеттер Шериктештигине (КМШ) мүчө мамлекеттердин Коргоо министрлер кеңешинин отурумуна катышуу үчүн бир катар мамлекеттердин коргоо министрлери баштаган делегациялар келишти. Алардын катарында Азербайжан, Беларусь, Россия, Казакстан, Өзбекстан, Тажикстан мамлекеттеринин делегациялары, ошондой эле КМШнын катчылыгынын өкүлдөрү бар. Отурумдун жүрүшүндө КМШга мүчө мамлекеттердин коргонуу жаатындагы кызматташтыгын өнүктүрүү, өз ара аракеттенүүнүн актуалдуу маселелерин талкуулоо жана тиешелүү документтерге кол коюу пландалууда.