🇰🇬🪖2026-жылдын 15-17-сентябрь күндөр аралыгында Ош шаарында аймактык коргонууну уюштуруунун негиздери, ошондой эле кризистик кырдаалдар жаралган учурда же согуш абалы киргизилген шарттарда мамлекеттик органдардын күчтөрүн башкаруу жана өз ара аракеттенүүнү камсыз кылуу боюнча окуу курсу өтүүдө. Окуу курсунда ведомстволор аралык өз ара аракеттенүү, мамлекеттик органдардын күчтөрүн жана каражаттарын башкарууну уюштуруу, ошондой эле кризистик кырдаалдарда жана тиешелүү укуктук режимдер киргизилген шарттарда ыкчам жана координацияланган иш алып баруу боюнча практикалык көндүмдөрдү калыптандыруу маселелерине өзгөчө көңүл бурулууда. Мындан тышкары, курстун катышуучулары үчүн курал-жарактардын жана аскердик техниканын үлгүлөрүн көрсөтүү, ошондой эле Түштүк-Батыш оперативдик командачылыгынын 36806 аскер бөлүгүнүн полигонунун базасында куралдардан ок атуу көнүгүүлөрүн өткөрүү пландаштырылууда.