د امریکا منځمهاله ټاکنو ته یوه لنډه کتنه د نوامبر په درېیمه، د سهشنبې په ورځ، په امریکا کې منځمهاله ټاکنې ترسره کېږي. په دې ټاکنو کې دوه شمېرې ځانګړی اهمیت لري: - ۲۱۸ څوکۍ د استازو جرګې د اکثریت لپاره - ۵۱ څوکۍ د سنا د اکثریت لپاره. د دواړو مجلسونو د څوکیو لپاره د جمهوريغوښتونکو او ډیموکراتانو ترمنځ سیالي روانه ده. هر ګوند چې د اکثریت لپاره اړینې څوکۍ ترلاسه کړي، په اړوند مجلس کې به د اکثریت کنټرول په لاس کې واخلي. د نظرپوښتنو له مخې، ډیموکراتان د استازو جرګې د اکثریت ترلاسه کولو ته ښه چانس لري، خو په سنا کې د اکثریت خپلولو لپاره سخته سیالي روانه ده. حتی که ډیموکراتان په دواړو مجلسونو کې اکثریت ترلاسه کړي، د ډونالډ ټرامپ د ولسمشرۍ د دورې پای ته رسول به اسانه نه وي. د ولسمشر د استیضاح او له دندې څخه د ګوښه کولو لپاره په استازو جرګه کې ساده اکثریت او په سنا کې د حاضر سناتورانو دوه پر درېیمه رایو ته اړتیا ده. خو د دواړو مجلسونو د کنټرول له لاسه ورکول به د ټرامپ واکونه او سیاسي مانورونه د پام وړ محدود کړي. په دې حالت کې ښايي امریکا له کورنیو سیاسي کړکېچونو سره مخ شي او د حکومت د فعالیتونو بهیر تر یوه حده