ملا حسن اخوند د بیلاروس د نوي غیر مقیم سفیر باورلیک ومانه د طالبانو ادارې یکشنبه (د نومبر ۱مه) اعلان وکړ، چې رییس الوزرا حسن اخوند د افغانستان لپاره د بیلاروس د غیر مقیم سفیر او ځانګړي استازي، الکساندر اوګورودنیکوف، باورلیک منلی دی. د طالبانو د خبرپاڼې له مخې، په دې لیدنه کې د افغانستان او بیلاروس پر سیاسي، اقتصادي او ترانزیټي اړیکو خبرې شوې دي. ملا حسن اخوند له مینسک سره د اړیکو د نوي فصل د پرانیستلو هرکلی کړی او د دوه اړخیزو اړیکو د پراختیا هیله یې څرګنده کړې ده. د بیلاروس سفیر ویلي، هېواد به یې له افغانستان سره د کرنې، خوراکي توکو او درملو په برخو کې سوداګري زیاته کړي. بیلاروس په کابل کې سفارت نه لري او تر دې مخکې یې له افغانستان سره سفارتي اړیکې په تاجکستان کې د خپل سفارت له لارې سمبالولې. اوس دغه چارې په اوزبیکستان کې د بیلاروس سفارت پر غاړه دي. https://t.me/thegreatcaravaninfo88/27135