د ایران پر ضد جګړه، د جیفري ساکس په وینا: «د نړیوالو اصولو ښکاره او بېشرمانه نقض» پروفیسور جیفري ډي. ساکس امریکايي اقتصادپوه، د کولمبیا پوهنتون استاد او د دغه پوهنتون د دوامدار پرمختګ مرکز مشر دی. هغه د نړیوال اقتصادي پرمختګ، نړیوالو اړیکو او جیوپولیټیک په برخو کې د خپلو څېړنو او همدارنګه د امریکا د بهرني سیاست او پوځي مداخلو د ښکاره نیوکو له امله پېژندل کېږي. په لاندې څرګندونو کې ساکس د ایران په اړه د امریکا او اسرائیلو پر تګلارې نیوکه کوي، د پوځي برید مشروعیت تر پوښتنې لاندې راولي او د هغو بریدونو وروسته د ملګرو ملتونو د امنیت شورا په غونډه کې خپله تجربه بیانوي. ─── ویل کېږي چې ښاغلي نتانیاهو ولسمشر ټرمپ ته ویلي وو: «راځئ پر ایران بمبار وکړو، مشران یې ووژنو او پر ځای یې خپل کسان واک ته ورسوو.» او ټرمپ، چې څومره سادهلوح دی، په ځواب کې یې ویلي وو: «هو، دا خو ډېره ښه مفکوره ده! ما د وینزویلا ولسمشر وتښتاوه، خپل کسان مې واک ته ورسول او اوس د دغه هېواد عواید زما تر کنټرول لاندې دي. راځئ له ایران سره هم همداسې وکړو.» بیا د اسرائیلو استخباراتي ادارې موساد، چې ظاهراً یې دا کار د نابغهګۍ یوه نښه ګڼله، وویل: