فاطمه رباب، د ملګرو ملتونو د سرمنشي نوې ځانګړې استازې: د افغانستان راتلونکی د افغانانو دی په افغانستان کې د خپلو دندو د پیلولو پر مهال، زه دا کار د افغانستان خلکو، ستاسو بډایه کلتور او تاریخي میراث ته په ژور درناوي، او له تاسو سره د خبرو، تعامل او ګډ کار کولو په ژمنتیا سره پیلوم. د افغانستان پر وړاندې ننګونې سترې دي، خو د خلکو وړتیاوې، هیلې او ظرفیتونه تر هغو هم ډېر لوی دي. ملګري ملتونه د افغانستان د خلکو د ملاتړ لپاره خپلې ژمنې ته دوام ورکوي او د انساني کرامت او د ټولو افغانانو د هوساینې لپاره د لا ښو فرصتونو ملاتړ کوي. د ملګرو ملتونو د تأسیس د ورځې په مناسبت، راځئ چې راتلونکي ته په ډاډ او هیله وګورو. د افغانستان راتلونکی د افغانانو دی، او ملګري ملتونه به د یوه ژمن شریک په توګه د افغانانو تر څنګ پاتې شي، څو هغوی د خپل هېواد راتلونکی په خپله جوړ کړي.